فجر أحمد عيد عبد الملك لاعب الزمالك ومنتخب مصر السابق، مفاجأة كبيرة بشأن انتقال طارق حامد لاعب وسط الزمالك لدوري المحترفين، خلال الميركاتو الصيفي الجاري.
وكانت تقارير صحفية مصرية، اليوم الأربعاء، قد أكدت أن نادي الاتحاد يرغب في التعاقد مع طارق حامد لاعب وسط الأبيض مقاب 2 مليون دولار للنادي الأبيض، ومليون و300 ألف دولار للاعب ذاته.
وفي السياق، ذاته نفى مجلس إدارة نادي الزمالك في تصريحات صحفية اليوم أيضًا، وجود أي عروض لطارق حامد سواء محلية أو سعودية.
وكتب أحمد عيد عبر حسابه الشخصي على انستجرام:"طارق حامد للاسف، هو اما جدد اتعرض عليه مبلغ قليل بالنسبة للعقود في مصر وقيمته واتعرض عليه من بيراميدز ٢٠ مليون في السنة وعربية اخر موديل ب ٢ مليون ورفض".
وأضاف:"لدرجة ان ترك الشيخ قاله انت مش طبيعي انك ترفض كدة واشتري حب الناس وجدد واتقاله هتاخد فلوس 5 مليون في السنة من برة العقد وده طبعا محصلش ولا هيحصل ومفتحش بوقه لحد الان ولا اتمرد وبيموت نفسه لاخر نفس".
وأكمل:"انا بقي بحكي القصة دي علشان طارق من حقه يطلع وياخد ملايين الملايين الي يستحقها، انا متأكد الناس بتحب طارق ازاي وهو كله همه لو خرج حتي لو سنة حب الجماهير، ده من طارق نفسه والله والكلام كله من اوله لاخره انا حضرته مكالمة بمكالمة".
وأردف نجم الزمالك السابق:"انك تشوف لاعيب زي ده وتتمني يبقي في الفريق الي انت بتشجعه تبقي حاجة تفرح لاكن في الاخر هو كسب حب واحترام جماهير مصر كلها وجماهير الزمالك خصوصا مع انه اققل واحد في لاعيبة الكورة بيتعامل مع السوشيال".
وأتم:"انا عن نفسي بتمناله كل التوفيق في الي جاي وبتمني الناس الي هتزعل علي انه ماشي تفتكر هو عمل ايه وكان راجل ازاي".
ويعد طارق حامد أحد أبرز اللاعبين المتواجدين في الدوري المصري خلال المواسم الأربعة الماضية، حيث قاد الزمالك مؤخرًا للتويج بلقب كأس الكونفدرالية الإفريقية.
ويبلغ حامد من العمر 30 عاما، وانضم لنادي الزمالك موسم 2014-2015، قادما من نادي سموحة.
